Дар ноҳияи Нуробод мусобиқаи футбол миёни дастаҳои деҳаю маҳаллаҳо баргузор гардид. Чорабинӣ бо усули “Деҳа ба деҳа” ва “Маҳалла ба маҳалла” ташкил шуда, дар он сокинон ва ҷавонон фаъолона иштирок карданд. Мақсад аз баргузории мусобиқа ҷалби ҷавонон ва аҳолӣ ба варзиш, тарғиби тарзи ҳаёти солим мебошад. Бозиҳо дар варзишгоҳҳои маҳаллӣ доир гардида, дастаҳо барои дастовардани натиҷаҳои беҳтарин бо ҳам рақобат намуданд. Дар маросими ҷамъбаст дастаҳои ғолиб бо ифтихорнома ва мукофотҳо қадрдонӣ шуданд.