Тибқи нақшаи чорабиниҳои Мақомоти иҷроияи ҳокимияти давлатии ноҳияи Нуробод, гурӯҳи корӣ дар деҳаи Дегдонаки Ҷамоати деҳоти Муҷихарф вохӯрӣ баргузор намуданд. Зимни суҳбат масъулин ҷиҳати татбиқи сиёсати иҷтимоиву иқтисодии Ҳукумати Ҷумҳурии Тоҷикистон, баланд бардоштани сатҳи зиндагии аҳолӣ, истифодаи самараноки замин, риояи тартиботи ҷамъиятӣ ва тарғиби тарзи ҳаёти солим ибрози назар намуданд. Ҳамзамон, масъалаҳои муҳими иҷтимоӣ, аз ҷумла таъмири роҳу иншооти ҷамъиятӣ, беҳтар намудани таъминоти оби ошомиданӣ ва ҷалби ҷавонон ба корҳои созандагӣ мавриди баррасӣ қарор гирифтанд.