Дар доираи усули «Деҳа ба деҳа» дар деҳаи Сабзиқадам барномаи фарҳангӣ баргузор гардид. Дар ин барнома гурӯҳи фарҳангчиёни бахши фарҳанги ноҳия бо намоиши барномаҳои рангини мусиқӣ, рақсу таронаҳои миллӣ хотири сокинони деҳаро шод гардониданд. Ҳадафи баргузории чунин барномаҳо баланд бардоштани рӯҳияи ватандӯстӣ, таҳкими ваҳдати миллӣ, эҳёи суннатҳои неки миллӣ ва ҷалби сокинон ба корҳои созандагиву ободонӣ мебошад. Сокинони деҳаи Сабзиқадам бо изҳори сипос аз ташкили барномаи фарҳангӣ таъкид доштанд, ки ин иқдом рӯҳбаландӣ мебахшад ва муҳити фарҳангиву маънавии деҳаро боз ҳам ғанӣ мегардонад.