Ба ифтихори ҷашни 34-умин солгарди Истиқлоли давлатии Ҷумҳурии Тоҷикистон дар деҳоти Сафедчашмаи ноҳияи Нуробод чорабинии идона баргузор гардид. Дар ҳамоиш раиси ноҳия Фатҳуддин Солеҳзода иштирок намуда, аҳли нишастро ба ифтихори ҷашни миллӣ – Рӯзи Истиқлоли давлатӣ табрик кард. Зимни баромади худ раиси ноҳия таъкид намуд, ки Истиқлол муҳимтарин дастоварди халқи тоҷик буда, барои рушди тамоми соҳаҳои иқтисодиву иҷтимоӣ ва баланд гардидани сатҳи зиндагии мардум заминаи устувор гузоштааст. Чорабинӣ бо намоиши барномаи фарҳангии ҳунармандон идома ёфт.