Дар арафаи таҷлили ҷашни 34-умин солгарди Истиқлоли давлатии Ҷумҳурии Тоҷикистон дар деҳаи Айнии ҷамоати деҳоти Меҳробод бо иштироки намояндаи Ҳукумати Ҷумҳурии Тоҷикистон – вазири кишоварзии мамлакат – Ҳакимзода Қурбон ва раиси ноҳияи Нуробод Фатҳуддин Солеҳзода толори варзишии нав ба истифода дода шуд. Иншооти мазкур бо дастгирии аҳолӣ ва соҳибкорони маҳаллӣ бунёд гардида, ҷавобгӯ ба талаботи муосир мебошад. Толор барои баргузории мусобиқаҳои варзишӣ ва ҷалби ҷавонон ба тарзи ҳаёти солим шароити мусоид фароҳам меорад. Зимни маросими ифтитоҳ таъкид гардид, ки сохтмони чунин иншоот натиҷаи сиёсати ҷавононпарваронаи давлат ва ҳамкории самарабахши ҷомеа бо мақомоти маҳаллӣ буда, дар таҳкими тарбияи ҷисмонии насли наврас ва рушди варзиш дар ноҳия нақши муҳим хоҳад гузошт.